May shata praw 5 ya shani, Myitkyina Shatapru lawk 4 kata, lam makau hta kabai da hkrum ai, ma chyangai (မွေးကင်းစ) hpe kadai baula na hte seng nna tsun daw dan hkat ai lam hta, ma hpe mu ai shara makau na, nta madu kawn bau la na re lam, tsun wa ai re hpe ntsa lam na chye lu ai.
Kabai da hkrum ai ma chyangai gaw, shadai (ချက်ကြိုး) pi n-di da nna kabai da hkrum tawn ai re hte ma hpe shani hkying 2:00 pm aten daram hta lam makau kaw, mu la ai re lam chye lu ai.
“Ma hpe mu hta ai shaloi, ma na hkum ntsa hkan kagyin hkrai hkrai, ရွေမင်းသမီး shakya ဆိုင် na ni, mu hta da ma ai, shan hte ma hkrap ai nsen na na sa yu yang, ma kabai da ai hpe mu ai,” re nga nna Shatapru lawk 4 kaw shanu nga ai mare masha langai kawn tsun ai.
Ma hpe n-nan mu hta la ai hpang Shatapru KBC bawng ring tsi rung hta shawng, ma shadai hpe di ya nna, ma a hkam kaja lam hte seng nna tsi tsi lajang ya ai lam ni mung bai galaw taw ai re hte ma chyangai gaw, hkam kaja nga ai re lam na chyelu ai.
