2025 May shata praw 8 ya shani, Manmaw muklum hta, mung shawa hpyen yen 400 daram hprawng koi yen nga ai, (တောင်သုံးလုံး ) hpungkyi jawng hpe, myen hpyen dap kawn, ပေါင် (1200) daram nga ai bawm hpe nbungli hte jahkrat bun dat ai kaw, si hkala hkrum ai ni law wa sai lam chyelu ai.
Dai hpyen yen ni hta, Myen hpyendap a matu, arung arai ni hpe htaw shalai madi shadaw ya nga ai, ထောက်ပို့ galaw ya taw ai ni mung lawm ai rai nna, shan hte hpe Wunpawng Mungdan Shanglawt Hpyen Dap (KIA) hte pawnghpawm hpyen hpung ni kawn, hkye shaw la nna, hpungkyi jawng kaw sa makoi da ai re lam chyelu ai. Myen hpyen dap a nbungli bawm a majaw, si, hkala hkrum ai ni hta, ma kaji ni mung lawm ai lam chyelu ai.
Manmaw muklum hta KIA hte pawnghpawm hpyen hpung ni hte Myen asuya hpyen dap a lapran, majan matut manoi byin nga ai rai nga ai.
