2025 ning February shata praw 6 ya shana hkying 10:45 PM aten daram hta myen hpyen dap kawn, Wunpawng Mungdan Shanglawt Hpyen Dap (KIA) ginjaw shara rai nga ai, Laiza ginwang kata drone hte bawm wa jahkrat bun ai lam na chyelu ai.
Dai zawn bawm jahkrat bun ai lam hta, si-hkala hkrum ai shiga hte seng nna gaw, nchye lu shi ai lam, buga masha ni kawn tsun ai.
Manmaw muklum hpe tsep kawp lu zing madu la na matu, KIA hte pawng hpawm hpyen mung ni kawn htim gasat nga ai ten, myen hpyen dap gaw, drone hte Laiza maga de, gasat wa ai lam ni, matut manoi byin wa ai re.
Laiwa sai, January shata 24 ya hta mung, Laiza muklum kata myen hpyen dap gaw, suicide drone hte gasat wa sai re.
Dai zawn gasat wa ai lam ni hta, si-hkala hkrum ai lam hte hten za ai lam shiga ni hpe gaw, tup hkrak nchyelu ai re.
