Pope Francis nnga mat ai hpang, Roman Catholic hpung a htung hte maren Pope ning nan hpe ralata lamang galaw nna lata wa sai re hte, 2025 May shata praw 8 ya shani hta Cardinal Robert Francis Prevost hpe 267 lang na Pope ning nan hku nna, lata san dat sai re lam ndau wa sai rai nga ai.
America mungdan Chicago hta magam gun nga ai Asak 69 ning rai sai, Cardinal Robert Francis Prevost gaw, American mung dan na shawng ningnan Pope byin wa ai wa rai nna, shi gaw Leo XIV (ဘွဲ့ ) mying hpe hkam la na re lam chye lu ai.
2025 ning April shata 21 ya shani Pope Francis gaw madu Yesu hta yup pyaw mat wa sai hpang, May shata praw 7 ya shani kaw nna, Pope ning nan a matu, ralata lamang hpe Vatican hta galaw wa sai rai nga ai.
Vatican hta galaw ai Pope ning nan ralata lamang kaw shang lawm mai ai Cardinals 252 nga ai hta asak 80 ning npu nga ai ni sha, Pope ning nan ralata lamang hta mai shang lawm ai a majaw, Cardinals 135 sha, mai shang lawm ai rai nna, Cardinals 2 gaw, Rome muklum de nlu du ai lam, ndau wa sai majaw, ndai lang na Pope ning nan ra lata lamang hta Cadinals 133 sha shang lawm wa sai re hpe chyelu ai.
“Pope Loe hpe lata kau ai mung gaja sai ngu mu ai , masha n-tsa grai tsaw ra myit gaba ai ngu mu ai, shi galaw ai magam bungli ni hpe yu na chye lu ai,” nga Myen mung kata na, Catholic hpung masha langai kawn tsun ai.
Pope Loe XIV kawn, N-nga mat sai Pope Francis galaw mat ai, nlu nlawm matsan mayan ni hpe karum shing tau ai bungli ni hpe madi shadaw nna, Pope Francis nngut kre ai bungli ni hpe matut galaw sa mat wa na re lam chye lu ai.
