ဖားကန့်မြို့နယ်၊ နမ့်မော်ကျေးရွာတွင် လွန်ခဲ့တဲ့မတ်လ၊ ၂၁ရက်နေ့၊ မနက်ပိုင်းအချိန်ခန့်ကစပြီးနွံကန် ကျိုးပေါက် ကျမှု ဖြစ်ပွားခဲ့ခြင်းကြောင့် လူသွားလမ်းတွေမှာ နွံများပြည့်လျှံလာခဲ့ပြီး၊ သည်ကနေ့အချိန်ထိ အနည်းငယ်စီးကျနေ သော်လည်း၊ ရွှံနွံကန်ကျိုးပေါက်ကျခဲ့တဲ့အချိန်ကစပြီး ရေမြောင်းဖောက်၊ ပိုက်တွယ်တာတွေကို စတင်လုပ်ဆောင် ခဲ့တာကြောင့် အနည်းငယ်သက်သာလာပြီး၊ ထိန်းချုပ်လာနိုင်တယ်လို့ နမ့်မော်မှာနေထိုင်နေတဲ့ဒေသခံရဲ့ ပြောကြား ချက်အရ သိရှိရပါတယ်။
နွံကန်ကျိုးပေါက်မှုကြောင့် ဈေးဆိုင်တွေအနည်းငယ်ထိခိုက်မှုရှိခဲ့ပြီး၊ နေအိမ်များပျက်စီးတာတွေ၊ လူထိခိုက်တာ တွေတော့မရှိကြောင်း သိရပါတယ်။ ဖားကန့်မြို့နယ်အတွင်း ကျောက်စိမ်းတွင်းဟောင်းများ ရေပြည့်လျှံပြီး ကျိုးပေါက်မှုများ၊ မြေဇာပုံပြိုကျမှုများကြောင့် လူအသေအပျောက်များပြားသည့် ဖြစ်စဉ်များ မကြာခနဖြစ်ပွား လေ့ရှိပြီး၊ ၂၀၂၄ ခုနှစ် နိုဝင်ဘာလ ၁၁ ရက်ညတွင် ဖားကန့်မြို့နယ် မှော်စီဆာကျေးရွာအနီးရှိ မြေစာပုံဟောင်း ပြိုကျမှုကြောင့် သေးဆုံးဒဏ်ရာရရှိသူဦးရေ အနည်းဆုံး ၄၀ နီးပါးရှိခဲ့ပြီး၊ ၂၀၂၅ ခုနှစ် ဇန်နဝါရီလအတွင်း စပေါ့ကျေးရွာတွင် နွံကန်ကျိုးပေါက်ကျခြင်းကြောင့်၊ လူနေအိမ်များပျက်စီးခဲ့ကာ၊ သေဆုံးသူတွေလည်းရှိခဲ့ပါတယ်။
ဖားကန့်ဒေသအတွင်း ကျောင်းစိမ်းလုပ်ကွက်များနှင့် မြေစာပုံဟောင်းနေရာများတွင် မြေပြိုကျမှုများကြောင့်၊ ရေမဆေးကောက်သူ၊ ကျောင်းစိမ်းတူဖော်သူတွေနဲ့ ကျောင်းစိမ်းကုမ္ပဏီများတွင် အလုပ်လုပ်နေသူ အများအပြား သေကြေပျက်ဆီးလေ့ရှိပြီး၊ ကူညီကယ်ဆယ်မှုများ ထိရောက်စွာလုပ်ဆောင်နိုင်ခြင်းမရှိဖြစ်နေကြောင်း သိရပါတယ်။
“ကျောက်စိမ်းတူးဖော်မဲ့ဆိုက်နေရာတွေရှားပါးလာတာတွေ့ရတယ်၊အချို့ဒေသခံတွေကအိမ်မြေရာတွေကိုဈေး ကောင်းပေးပြီးရောင်းလာကြဒါတွေတွေ့ရတယ်” လို့ဒေသခံရဲ့ပြောကြားချက်အရသိရပါတယ်။
ကျောက်စိမ်းတူးဖော်မှုများပြားလာတာနဲ့အမျှ သဘာဝပတ်ဝန်းကျင်ပျက်စီးပြီး၊ သဘာဝဘေးအန္တရာယ်ရဲ့ ချိန်းခြောက်မှုဒဏ်ကို အမြဲစိုးရိမ်နေရကြောင်း သိရပါတယ်။
