ကချင်ပြည်နယ်၊ မြစ်ကြီးနားမြို့အတွင်း လျှပ်စစ်မီးလုံလောက်စွာမရရှိခြင်းကြောင့်ပြည်သူများ ပိုမိုခက်ခဲလာကြောင်း၊ ဒေသခံများကပြောသည်။
ကချင်ပြည်နယ်တွင် ယခင်ကလျှစ်စစ်မီး တစ်နေ့လျှင် ၁၅ နာရီလောက်ရရှိခဲ့ပြီး ယခုရက်ပိုင်းများအတွင်း လျှပ်စစ်မီးရရှိချိန် ပိုမိုလျှော့နည်းလာတာကြောင့် မြစ်ကြီးနားပြည်သူများ ပိုမိုခက်ခဲသည့်အခြေအနေသို့ ရောက်စပြုလာကြောင်း မြစ်ကြီးနားဒေသခံများ၏အဆိုအရ သိရှိရပါတယ်။
လွန်ခဲ့တဲ့ ၂၀၂၅ ခုနှစ်၊ ဇန်နဝါရီလ၊ ၁၄ ရက်နေ့ကစပြီး၊ ဘူးဂါးလျှပ်စစ်ဓာတ်အားပေးကုမ္ပဏီ၏ထုတ်ပြန်ချက်အရ တစ်နေ့လျှင်လျှပ်စစ်မီး၈နာရီသာရရှိတော့မှာဖြစ်ပြီးရပ်ကွက်တိုင်းအုပ်စုA,အုပ်စုB,အုပ်စုCဟူ၍ခွဲပြီး အလှည့်ကျစ နစ်ဖြင့်ဖြန့်ဖြူးပေးနေကြောင်းသိရှိရပါတယ်။
“မီးစောင့်ရတာနဲ့ထမင်းတောင်သေချာမချက်စားရဘူး” ဟု မြစ်ကြီးနားမြို့ခံ တစ်ဦးက ပြောပါတယ်။ မြစ်ကြီးနား မြို့အတွင်း ယခင်အချိန်ကထက် လုယက်မှုတွေပိုမိုများပြားလာတာကြောင့်လဲ နေ့ခင်းအချိန်တွေမှာတောင် ဘေးကင်းလုံခြုံမှုမရှိတော့ကြောင်း သိရှိရပါတယ်။
“အရင်ကတော့ တနေ့ ၈ နာရီမီးလာသေးတယ်၊ အခုတော့ တနေ့ ၆ နာရီပဲလာတော့တယ်” ဟု တခြားမြို့ခံတဦးက ပြောပါတယ်။
မြစ်ကြီးနားမြို့အတွင်းဆီဈေးနှုန်းကတော့၊ အနည်းငယ်လျှော့ကျလာအကြောင်း သိရှိရပြီး “အရင်ကထက် နည်းနည်းတော့ ကျလာတယ်၊ အရင်က ၁၀,၀၀၀၊ အခုတော့ ၉၀၀၀လောက်တော့ ရှိလာပြီ” ဟု မြို့ခံတစ်ဦးက ပြောပါတယ်။
မြစ်ကြီးနာမြို့အတွင်းပြည်သူတွေဟာ အကြောက်တရားကိုမေ့ထားပြီးဝမ်းရေးအတွက် ကြိုးစားရုန်းကန်နေရပြီး၊ လူငယ်တွေအတွက်ဘေးကင်းလုံခြုံမှု ပိုမိုလိုအပ်လာကာ၊ စစ်ရေးအခြေအနေအရ၊ စစ်ဖြစ်လာမှာကိုလည်း စိုးရိမ်နေရကြောင်းသိရှိရပါတယ်။
မြစ်ကြီးနား ဗလမင်းထင်တံတားကနေဖြတ်ပြီး၊ သွားလာနေရသောဝိုင်းမော်မြို့နယ်အတွင်းကတချို့ကျေးရွာတွေရဲ့ ဂိတ်တွေမှာအချိန် ၁ နာရီခြားတစ်ခါလောက်သာဖွင့်ပေးနေတာကြောင့် ပြည်သူများသွားလာရခက်ခဲမှုရှိနေကြောင်း သိရှိရပါတယ်။ ဝိုင်းမော်မြို့နယ်၊ ခတ်ချို အနီး မုတ်လွဲ ရွာအတွင်းကဂိတ်ကိုတော့ ပိုမိုတင်းကြပ်ထားပြီး၊ တားမြစ် ပိတ်စို့ထားကြောင်းသိရှိရပါတယ်။
