လွန်ခဲ့တဲ့တစ်ပတ်ကျော်လောက်ကတည်းက စစ်ရေးအခြေအနေကြောင့် မြစ်ကြီးနား-မန္တလေးအဝေးပြေးကားလမ်းကို အချိန်ကန့်အသတ်မရှိ ပိတ်ဆို့ထားပြီး၊ ပြန်ဖွင့်မဲ့အချိန်ကိုလည်း တိတိကျကျမသိရသေးကြောင်း သိရှိရပါတယ်။
မြစ်ကြီးနား-မန္တလေး အဝေးပေးလမ်းမကို ၂၀၂၅ ဖေဖော်ဝါရီလ ၁၉ရက်လောက်ကတည်းက ပိတ်ထားခဲ့ဒါဖြစ်ပြီး ယာဉ်အများအပြား ပိတ်မိနေကြောင်း သိရှိရပါတယ်။
စစ်ကောင်စီတပ်ဘက်က ကန့်ဘလူဒေသတစ်လျှောက်ထိုးစစ်ဆင်တိုက်ခိုက်လာသည့်အ တွက်ကြောင့် စစ်ရေး အခြေအနေတင်းမာလာခဲ့ဒါဖြစ်ပြီး၊ ပြည်သူများဘေးအန္ဆရာယ်ကင်းစေဖို့ရန်နဲ့ လုံခြုံစေဖို့အတွက် ခရီးသွား ကုန်ကားများ၊ လူစီးကားများအားလုံး ဖြတ်သန်းသွားလာခွင့်ကို ပိတ်ထားရခြင်းဖြစ်ကြောင်း သိရှိရပါတယ်။
ယခုလိုပိတ်ဆို့ထားခြင်းကြောင့် ပြည်သူများအခက်အခဲများနဲ့ရင်ဆိုင်နေရကြောင်းသိရှိရပါတယ်။ ကုန်ကားမှာပါ လာတဲ့တချို့အစားအစာတွေ၊ ကုန်စိမ်းတွေပျက်စီးသွားကြောင်းသိရှိရပါတယ်။ မြစ်ကြီးနားမြိုးအတွင်းမှာလည်း တချို့လူသုံးကုန်ပစ္စည်းတွေပျက် လပ်နေပြီး၊ မြန်မာနိုင်ငံအောက်ပိုင်းကနေတင်သွင်းရတဲ့ ငါးကအစ ပျက်လပ်နေကြောင်း သိရှိရပါတယ်။
“ဈေကွက်မှာတောင်ငါးတွေမရှိဘူးဖြစ်နေတယ်” လို့မြစ်ကြီးနားဒေသခံတဦးကပြောပါတယ်။ မန္တလေးဒေသခံတွေရဲ့ ပြောကြားချက်အရ ကားလမ်းတွေကိုပိတ်ထားတဲ့အတွက် ပြည်သူတွေကို အခက်အခဲဖြစ်စေပြီး၊ ဘယ်အချိန် ပြန်ဖွင့်မယ်ဆိုတာကိုလည်း အတိအကျကြေငြာထားခြင်းမရှိကြောင်း သိရပါတယ်။ ဒါပေမဲ့ တစ်ချို့ဖြတ်သန်း သွားလာနေကြတဲ့ ကားဂိတ်တွေလည်းရှိတဲ့အကြောင်း ကြားသိရပါတယ်။
လူငယ်တွေခရီးသွားလာတဲ့အချိန်မှာ အထူးဂရုစိုက်ဖို့လိုအပ်နေပြီး မလိုအပ်ပဲခရီးသွားလာတာတွေကိုရှောင်ရှားကြဖို့ ကားဆရာတွေအနေနဲ့ အကြံပေးတိုက်တွန်းပြောဆိုထားဒါတွေကိုလည်း တွေ့ရပါတယ်။ လွန်ခဲ့တဲ့လတွေကတည်းက စစ်တပ်တိုင်းအတွင်း လက်နက်ကိုင်တပ်ဖွဲ့တွေဖြစ်တဲ့ (KIA,PDF နဲ့ စစ်ကောင်စီတွေ) ခရီးသွားလူငယ်တွေအပေါ် အစစ်အဆေးပြုလုပ်တာတွေ၊ ပေါ်တာဆွဲတာတွေကို ပိုမိုပြုလုပ်လာပြီး၊ လမ်းခရီးတစ်လျှောက် အခွန်ပေးဆောင် ရတာတွေလည်း ပိုများလာကြောင်း ကားဆရာတွေရဲ့အဆိုအရသိရှိရပါတယ်။
ကေအိုင်အေနဲ့ပူးပေါင်းတပ်တွေဘက်က အင်းတော်မြို့အတွင်းတိုက်ပွဲဖော်ဆောင်ကတည်းက ခရီးသွားလမ်းတွေ မကြာခနပိတ်ဆို့နေတာဖြစ်ပြီး၊ အခြေအနေတွေတည်ငြိမ်မှ ပြန်လည်သွားလာခွင့်ပြုနေတာလည်း ဖြစ်ပါတယ်။ ကားသမားတွေအနေနဲ့လည်း မြို့ပတ်လမ်းတွေကိုအသုံးပြုပြီး သွားလာနေရကြောင်းသိရှိရပါတယ်။
