Jinghpaw Mungdaw, Hpakan ninghtawn kata, Sezin (ဆယ်ဇင်း) mare kata de, Sam Hkyeng (ရှမ်းနီ) hpyen hpung ni gaw, April shata 27 ya 2024, jahpawt daw, hkying 4 kaw nna, hkying 8 daram du hkra laknak kaba hte gap bun wa sai re lam, mare masha langai Ninghkawng shiga dap de, tsun wa ai.
“Dai hpawt kaw na Sam Hkyeng ni gaw, mare de laknak kaba ni gap bang taw nga ma ai, hkying 4 kaw na hkying 8 du hkra gaw, grai lang gap bang taw ai, ya ten du hkra mung kalang lang naw ngoi taw nga ai,” nga mying nshadawng ai, mare masha langai tsun ai.
Mare kata de laknak kaba nlaw htum 10 lang jan gap bang wa sai re hte, mare masha ni tau hkrau nna, koi yen mat ai re majaw, masha si hkala hkrum ai lam gaw, nnga ai nga, dai mare masha wa tsun a“Mare masha ni gaw, mi kaw na hprawn mat ai majaw, hkala nba hpa nbyin ai,” nga dai buga masha wa tsun ai.
Jinghpaw Mungdaw, Hpakan muklum hte deng 40 daram tsan ai shara kaw nga ai, Sagaing Tai jarit kaw na, Sezin mare daju, myen hpyen gumshem asuya a hpyendap hpe, Wunpawng Mungdan Shanglawt Hpyendap (KIA) hte pawng hpawm hpyen hpung rai nga ai, Kachin Ginra- Mung Shawa Makawp Maga Hpyen Hpung (KPDF), ni kawn, 2024 April shata praw 9 ya shani kaw nna, kalang bai htim gasat ai hpang, April 24 ya shani, zing madu la sai rai nga ai.
